Laus Dei de ordine potestatum

Post hos chorum Potestatum Per processum ordinatum, Deus sancte, statuisti; Ordinariam dedisti His vim ad suscipienda Dona tua, ac tenenda.

Habent nam supermundanam Ordinationem sanam Spiritalis potestatis, Qua influxum bonitatis Imæ fundunt hierarchiæ, Dando rivos theoriæ, Ad divina hanc levantes, Plusque tibi conformantes.

Dationem imperatam A Dominationibus, Operique mancipatam Virtutum actionibus, Hic custodit inturbatam Ordo atque tenet ratam,

Exsecutionis pellens Destructiva, vis excellens.

Harum potestas mentium Acherontis prementium Colla, zelo inflammante, Tua, Deus, est, o tante, Ne in nostra detrimenta Agant nimis virulenta.

Fac nos ope angelica Prævalere dæmonibus, Nosque imple vi cœlica, Supernis dita opibus; Præsidentium mandata Da servare illibata.

Tibi, beata Trinitas, etc.