Laus Dei ex secunda et tertia joannis

Canonicis.

SIT nobiscum gratia, Pietas, virtus, latria, te, Pater, in amore, Filioque in splendore.

Caritatem hoc fatemur, Ut mandata operemur ; Da ut nosmet perpendamus, Bona facta non perdamus.

Manens, Christe, in doctrina Tua, habet Patrem ac te : Fige mentem in divina, Tuo eam nutri lacte.

Gaudium sit prælatorum, Spiritalis subditorum, Verus, fixus, quam perfectus Et fidelis intellectus.

Ex te est qui bene facit, Deus; sed qui male facit, Non te videt : nam formata Caret notione rata.

Tibi, beata Trinitas, etc.