Laus Dei de ordine angelorum

ANGELORUM, Deus, chorum Imum ponis et decorum. Ecclesiæ tu præficis Hierarchiæ, quam reficis, Ordinem hunc angelorum, Quorum exstat singulorum Hic personas custodire, Hominesque erudire.

Sunt minora nuntiantes Ad singulos spectantia ; Corda nostra excitantes, Portant dona salvantia, Juvant, regunt nos, defendunt, Ex amore se impendunt.

Suæ hos creationis Die, fons dilectionis, Incorrupta vestitura Induisti non lapsura : Quos in tuum ministerium Fecisti et imperium.

Astra sunt superioris Cœli, et interioris Paradisi candentia Lilia, non marcentia.

Splendent in sapientia, Amoris vehementia Rubent, fragrant decorati Puritate virginea, Deiformi ac nivea, Omnes sancte adunati.

Mentis suæ radicibus Tibi hærent inaverse ; Nostris gaudent gemitibus, Et pro nobis orant, per se Preces nostras offerendo Tibi Deo reverendo.

Horum inspirationi Sanctæque directioni

Nos semper acquiescere Da, Deus, nec lacessere.

Tibi, beata Trinitas, etc.