Laus Dei de ordine principatuum

Imæ primum hierarchiæ Ordinem Principatuum Ponis, o fons hierarchiæ, Ac judex magistratuum.

Dedisti præsidentiam His ordinum sequentium, Quos ad primam essentiam Erigunt lucem mentium, Se et illos confirmare Tibi cupientes clare.

His communis commisisti Boni dispositionem, Regnis eos præfecisti Tuam per provisionem.

In his scimus Michaelem, Olim rexit Israelem, Princeps factus Synagogæ. Per hunc adversantes coge : Nam Princeps est Ecclesiæ, Sponsæ tuæ egregiæ.

Signifer cœli nobilis, Paradisi præpositus, Stat pro tuis immobilis,

Rhomphæam, ut est solitus, Extendens victoriose, Et propugnans gloriose.

Contra tibi adversantes Intonat terribiliter : Quis ut Deus ? Te amantes Adjuvat amabiliter.

Omnem culpam expugnemus, Nos a te non elongemus.

Tibi, beata Trinitas, etc.