Capitulum 12

Quod nullus labor possit repromissæ beatitudini comparari.

OMNIS quoque diuturnitas vitæ præsentis comparatione æternitatis futuræ gloriæ, nullius est reputationis; et universi dolores contemplatione et respectu felicitatis illius fugantur, atque extenuati ut fumus liquescunt, et nusquam apparent, quasi favilla, quia nullius momenti sunt comparatione illius.