Præfatiuncula

URIS bona cum omni concupiscentia audiet sapientiam : quoniam concupiscentia sapientiæ deducit ad regnum perpetuum. Eccli. III, 31; Sap. VI, 21. De duplici concupiscentia ac delectatione loquitur sacra Scriptura, videlicet : intellectuali, quæ bona est atque decora; et sensuali, quæ mala est ac fœda. De intellectuali enim concupiscentia et delectatione scriptum est : Delectasti me, Domine, in factura tua; et iterum, Audi, filia, et vide, et concupiscet rex decorem tuum;¹ et rursus, Concupiscit et deficit anima mea in atria Domini. De concupiscentia vero ac delectatione sensuali ait Scriptura : Caro concupiscit adversus spiritum;² et alibi, Si præstiteris animæ tuæ concupiscentias ejus, facient te in gaudium inimicis tuis.³ Quoniam ergo perfectio rationalis creaturæ est sensuales atque carnales concupiscentias ac delectationes propter spirituales ac divinas contemnere, refrenare, moderari; idcirco de virtutibus quibus hoc fit, modo tractandum est. Quia vero unum oppositorum cognoscitur per reliquum, et opposita juxta se posita evidentius innotescunt; propterea de vitiis et virtutibus, et item de passionibus animæ, sed et de beatitudine, quæ est finis virtutum, tractandum est : nunc quidem in communi; in sequenti vero editione, in speciali.⁴⁵

SUMMÆ

FIDEI ORTHODOXÆ LIBER SECUNDUS

DE BEATITUDINE HOMINIS, DE PASSIONIBUS ANIMÆ, DE HABITIBUS VIRTUTUM, DE LEGIBUS AC PRÆCEPTIS, GRATIAQUE ET MERITO.

Footnotes

1. Ps. xliv, 11, 12. ↩

2. Ps. lxxxiii, 3. ↩

3. Eccli. xviii, 31. ↩

4. Galat. v, 17. ↩

5. Ps. xci, 5. ↩