Articulus 177

1. An vir et uxor sint ad paria judicandi in causa divortii. 2. An post divortium vir alteri nubere possit. 3. An post divortium vir et mulier reconciliari possint.

2. DENIQUE in casu divortii vir et mulier judicantur ad paria, ita quod idem est utrique licitum atque illicitum.¹ Non tamen hoc fit pari causa. Nam adulterium mulieris magis contrariatur bono prolis quam adulterium viri: facit enim incertitudinem prolis. In utroque tamen est causa sufficiens.

3. At vero nihil superveniens matrimonio potest ipsum dissolvere: et ergo propter adulterium non rumpitur vinculum matrimonii, sed matrimonium verum manet. Nam secundum Augustinum, Inter viventes manet conjugale vinculum, quod nec separatio, nec cum aliquo junctio potest auferre. Et igitur non licet uni, altero vivente, ad aliam copulam transire.

4. Ostensum est autem quod si uxor pœniteat, potest eam sibi vir reconciliare.