X. Hoe die doechde ute enicheiden voirt gaen

Ute deser enicheit comt ynnicheit; want nieman en mach ynnich sijn, hi en si enich vergadert in hem selven. Innicheit es dat die mensche inwendich van binnen ghekeert si te sijnre eyghenre herten, op dat hi verstaen ende ghevoelen moghe dat inwerken ofte dat inspreken Gods. Innicheit es een ghevoellic vier van minnen, dat de gheest Gods ontfunct heeft en̄ stoect den mensche van binnen, en̄ hi en weet wanen het comt ofte wat hem ghesciet es.