Skip to the text
Ember
PT

XI. Van ghevoelliker minnen

Ute ynnicheden comt ene ghevoellike liefde, die smenschen herte dore gheet en̄ die begherlike craft der sielen. Dese begheerlike liefde, mit ghevoeliken smake des herten, en mach nieman hebben, hi en si ynnich van ghemoede.

Ghevoelike minne en̄ liefde, dat es ene begheerlike smakende ghelost, die men heeft te Gode, alse tote enen ewighen goede daer al goet in besloten es1. Ghevoelike liefde gheeft orlof allen creaturen nader ghelost, niet nader noet2. Innighe liefde ghevoelt hare gherenen van binnen met ewigher minnen, dier si emmer pleghen moet. Innighe liefde vertijt en̄ versmaet lichtelike alle dinc, op dat si vercrighen moghe dat si mint.

Footnotes

  1. Sur. Hic amor sensibilis desiderabundus quidam gustus et flagrans appetitus ac desiderium est erga Deum ceu bonum aeternum, in quo, quicquid est boni, continetur. ↩

  2. Sur. Amor iste sensibilis creaturis omnibus valefacit et renuntiat, non quidem quantùm ad necessitatem, sed quantùm ad voluptatem et concupiscentiam pertinet. ↩

Chapter 39 of 111