XVIII. Vander suver ghenoechten der herten ende der ghevoeliker crachten

Ute deser soeticheit comt weldicheit der herten en̄ alle der lijfliker crafte, alsoe dat den mensche dunet dat hi omhelset si van binnen met godliken omvanghe in liefden. Deze weldicheit en̄ dese troest is mere en̄ ghenoecklikere in siele en̄ in lijf, dan al de weldicheit die erterike gheleysten mochte, al mochtse oec al een mensche onfaen¹. In deser weldicheit sinct hem God inder herten, overmits sine gaven, met alsoe 20 vele smakelics troests en̄ vrouden, dat dat herte van binnen overvloyt. Dit doet den mensce merken hoe elleindich si sijn die buten minnen wonen². Dese welheit³ es een vervlieten des herten⁴, dat hem de mensce niet onthouden en mach van volheden der inwendigher vrouden⁵.