Skip to the text
Ember
PT

XXXV. Vander ander toecomst Christi

Nu willen wi1 voert spreken vander ander wisen der toecomst Christi, in inwendigher oefeninghen, daer die mensche met gheciert ende verclaert en̄ gherijct wert, naden drien hoechsten crachten der sielen. Deze toecomst wille wi gheliken eenre levender fonteinen met drien rivieren.

Dese fonteine, daer dese rivieren ute vloyen, dat is die volheit der gracien Gods in enicheit ons gheests. Daer hout hare die gracie weselike naden inblivene2 alse ene volle fonteyne, werkelike naden utevloyene3 met rivieren in elke cracht der sielen na haren behoeven4. Dese rivieren dat sijn sonderlinghe invlote ofte inwerkinghen Gods in die hoechste crachte, daer God in werket overmits middel dergracien in menigher wijs5.

Footnotes

  1. L en N. Nu behoert ons voert te spreken vander andere manieren der ynnigher toecoemst Christi in hogher edelheit en̄ in meerren gaven, daer die mensche, enz. De vertaling van Surius komt hiermede overeen. ↩

  2. Sur. essentialiter permanet. ↩

  3. Sur. et activè promanat. ↩

  4. Sur. pro quarumlibet necessitate. ↩

  5. Sur. in quibus Deus per gratiam suam multis ac variis modis operatur. ↩

Chapter 63 of 111