XXXIX. Van des bisscops Gurdele

Op dit scoudercleet was die bisscop der Joden anderwerf ghegordet met alselken gurdele, als daer ic vore ave seide dat allen den ghemeinen priesteren toe behoerde: dat gurde die bisscop anderwerf op dit scoudercleet. Want enecheit des gheests in ons, en wert si niet geuefent ende vaste ghegort met dien vijf dogheden die men den gurdele gelijct, soe en mach si niet duren. Ieghewelc merke die doghede des gurdels, ende gurde sine enecheit¹.