LXXXV. Vanden messe

Dat mes van onser offeranden dat sijn die ongheordende verkeerde neighinghen, die in ons sijn van naturen ochte van ouder ghewoenten. Die mote wi in ons doeden ende verwennen omme die eere Goods, alsoe heimelec, dat niemen onser ondoechtsamheit gheware en moghe werden. Alsoe wert onse mes Gode ene offerande. Ende alle dese offeranden moten gheschien in ene suvere stat. Die stat dat es onse consciencic; die moet ten alre iersten ghesuvert sijn vore Goods oeghen van allen sonden overmids rouwe ende ghewareghe biechte, ende aldus wert volbracht die offerande die men doet vore sonden.