Articulus 1

Quæ præsentis editionis intentio sit.

SINGULARIS illa præelectaque Virgo : Beatam (inquit) me dicent omnes generationes. Ideoque, ut ego quoque dignitati tuæ, o amabilissima purissimaque Maria, vicem pro viribus refundam, atque ut queo laudem exhibeam, te beatam fari, itemque tua fateri præconia, decrevi. Et ob id, de Præconio et dignitate Mariæ, opus istud appellandum arbitratus sum.

Sed nunc adsis, sacra divinaque Virgo ; adsis precor, o desiderabilis atque mundissima Mater ; adsis cupio et vere cupio, o decora delectabilisque Domina puella ; impetra tuo servo, o præstantissima incomparabilisque Maria, sapientiam qua

¹ Ex editione Coloniensi Joannis Soteris, 1532. tuam excellentiam in luce veritatis sincere contempler, amoris vehementiam quo tuam bonitatem affectuose complectar, verbi efficaciam qua te digne ut valeo commendem, et virtutem qua te in cunctis pro viribus honorem. Novi, Domina, fateorque, o mundi Regina, quoniam non est speciosa laus in ore peccatoris.¹ Sed parce, oro, o celeberrima sponsa, mecumque, quæso, in cunctis atque ubilibet materne et item clementissime procede et age.

Footnotes

1. Eccl. xv, 9. ↩